Nostra phalanx plaudat leta – [f. 214 (185)]
Ato episcopus Trecensis

Nostra phalanx plaudat leta
Hac in die, qua athleta
Cristi gaudet sine meta
Iacobus in gloria
Angelorum in curia.Quem Herodes decollavit,
Et id circo coronavit
Illum Cristus et ditavit
In celesti patria
Angelorum in curia.Cuius corpus tumulatur
Et a multis visitatur
Et per illud eis datur
Salus in Gallecia
Angelorum in curia.Ergo festum celebrantes,
Eius melos decantantes
Persolvamus venerantes
Dulces laudes domino
Angelorum in curia.

 

Congaudeant catholici – [f. 214 (185)]
Magister Albertus Parisiensis

Congaudeant catholici,
letentur cives celici,
die istaClerus pulcris carminibus
studeat atque cantibus,
die istaHec est dies laudabilis,
divina luce nobilis,
die istaQua Iacobus palacia
ascendit ad celestia,
die ista

Vincens Herodis gladium
accepit vite bravium,
die ista

Ergo carenti termino
Benedicamus Domino,
die ista

Magno patri familias
solvamus laudis gracias,
die ista

 

Gratulantes celebremus festum  – [f. 214v (185v)]
Magister Goslenus episcopus Suessionis

Gratulantes celebremus festum
diem luce divina honestum.Hec est dies Iacobi insignis
illustrata signis eius dignis.Quem precamur, ducat ut ad caelos
decantantes eius Christo melos.Suscipiens graciam de celis
benedicat ergo plebs fidelis

Domino.

 

Ad superni regis decus – [f. 215 (186)]
Magister Albericus archiepiscopus Bituricensis

Ad superni regis decus,
qui continet omnia
celebremus leti tua,
Iacobe, sollempnia.Secus litus galilee
contempsisti propria.
Sequens Christum predicasti
ipsius imperia.Tu petisti iuxta Christum
tunc sedere nescius.
Sed nunc sedes in cohorte
duodena alcius.Prothomartir duodenus
fuisti in patria.
Primam sedem duodenam
possides in gloria.

Fac nos ergo interesse
polo absque termino.
Ut mens nostra regi regum
benedicat domino.

 

Annua gaudia – [f. 215v (186v)]
Magister Airardus Viziliacensis

Annua gaudia,
Iacobe, debita
sunt tibi danda.
Organa dulcia
convenientia
sunt resonanda.Et tua celica
facta perhennia
sunt reseranda.
Organa dulcia
convenientia
sunt resonanda.Hec quoque splendida
secla per omnia
sunt memoranda.
Organa dulcia
convenientia
sunt resonanda.Tam pia, tam bona,
tam rata dogmata
sunt imitanda
Organa dulcia
convenientia
sunt resonanda.

Hec sacra commoda,
florida, fulgida
sunt adamanda.
Organa dulcia
convenientia
sunt resonanda.

 

Iacobe sancte tuum – [f. 131] (1v) – [f. 215v (186v)] (2v)
Conductum sancti Iacobi at antiquo episcopo Beneventino editum

Iacobe sancte tuum
repetito tempore festum.
Fac preclues celo colentes
Invitat claros populum
celebrare triumphos.
Fac preclues celo colentesPsallimus ecce Deu
grates meritas referendo
Fac preclues celo colentesQui tibi splendifluum
concessit scandere celum
Fac preclues celo colentesForcia mortalis
contempnens vulnera carnis
Fac preclues celo colentes
Ut tibi perpetuus vite
succederet usus.
Fac preclues celo colentes

Sis memor unde tui
recolunt qui gaudia festi.
Fac preclues celo colentes
Ut factor famulos
et serves pastor alumpnos.
Fac preclues celo colentes

Quapropter regi regum benedicamus domino
Fac preclues celo colentes

 

Regi perhennis glorie – [f. 139] (1v) – [f. 216 (187)] (2v)
Magister Gauterius de Castello Rainardi decantum fecit

Regi perhennis glorie
sit canticum leticie
Qui triumphum victorie
Iacobo dedit hodieDecoravit Yspaniam
Iacobus et Galleciam
Illamque gentem impiam
Christi fecit ecclesiamTandem pro Dei filio
sub Herodis imperio
Se obtulit martyrio.
Benedicamus Domino.Nam Herodis insania
furens in Christi menia
Stimulante superbia
eius odit collegia

Ad sui damni cumulum
Iacobum Dei famulum
Vera docentem populum
decollavit apostolum.

Sic manus regis impias
superavit et furias
Quia sedes ethereas
ascendit, Deo gratias.

 

Vox nostra resonet – [f. 216v (187v)]
Magister Iohannes Legalis

Vox nostra resonet,
Iacobi intonet
laudes creatori.Clerus cum organo
et plebs cum timpano
cantet redemptori.Carmine debito
psallat Paraclito
id est solatori.Hoc omnes termino
laudes in cantico
dicamus domino.

 

Dum esset salvator in monte – [f. 107v] (1v) – [f. 216v (187v)] (2v)
Magister Ato episcopus Trecensis

Dum esset Salvator in monte, imponens aptissima nomina
discipulis suis, vocavit Iacobum et Ihohannem Boanerges,
quod est filii tonitrui.V/ Sicut enim vox tonitrui in rota mundi sonat,
sic in omnem terram exivit sonus predicacionum beati Iacobi,
quod est filii tonitruiGloria Patri et Filio, et Spiritui Sancto

 

Huic Iacobo – [f. 109v] (1v) – [f. 217 (188)] (2v)
Magister Ato episcopus Trecensis

Huic Iacobo condoluit dominus tempore passionis sue
velut karus karo suo mesticiam carnis sue,
ostendens ei et dicens.V/ Tristis est anima mea usque ad mortem,
ostendens ei et dicens.Gloria Patri et Filio, et Spiritui Sancto

 

Iacobe virginei – [f. 110] (1v) – [f. 217 (188)] (2v)
Magister Ato episcopus Trecensis

Iacobe virginei frater preciose Iohannis,
qui pius Ermogenem revocasti
corde ferocem ex mundi viciis
ad honorem cunctipotentisV/ Tu prece continua pro nobis omnibus ora,
qui pius Ermogenem revocasti
corde ferocem ex mundi viciis
ad honorem cunctipotentisV/ Gloria Patri almo natoque, flamini sancto
ad honorem cunctipotentis

 

O adiutor omnium seculorum – [f. 110v] (1v) – [f. 217-217v (188-188v)] (2v)
Idem Ato

O adiutor omnium seculorum,
O decus apostolorum,
O lux clara Gallecianorum,
O advocate peregrinorum,
Iacobe, supplantator viciorum,
solve nostrorum catenas delictorum,
Et duc nos ad salutis portum.V/ Qui subvenis periclitantibus
ad te clamantibus
tam in mare quam in terra,
succurre nobis nunc
et in periculo mortis,
Et duc nos ad salutis portum.V/ Gloria Deo Patri
almo excellentissimo,
et Filio eius
pio altissimo,
Amborumque
Spiritui Sancto.
Et duc nos ad salutis portum.

 

Portum in ultimo – [f. 217v (188v)]
Prosa. Idem Ato

Portum in ultimo
da nobis iudicio,Ita ut cum Deo
carenti principioEt cum eius Nato,
qui est sine termino.Et cum Paraclito
ab utroque edito

Expulsi a tetro
tartareo puteo

Angelorum choro
coniuncti sanctissimo.

Purgati vicio,
potiti gaudio

Cum vite premio
te duce, patrono,

Intremus cum pio,
paradisi voto

Ortum.

Rex inmense pater pie eleyson – [f. 134] (1v) – [f. 218 (189)] (2v)
Fulbertus episcopus Karnotensis

Rex inmense, pater pie,
eleyson
Sother, theos athanatos,
eleyson
Palmo cuncta qui concludis,
eleysonChriste, Fili Patris summi,
eleyson
Qui de celis descendisti,
eleyson
Tuum plasma redemisti,
eleysonConsolator, dulcis amor,
eleyson
Qui Iacobum illustrasti,
eleyson
Cuius prece nobis parce,
eleyson

 

Misit Herodes – [f. 118v] (1v) – [f. 218 (189)] (2v)
Ato prefatus

Misit Herodes
rex manus ut affligeret
quosdam de ecclesiaV/ Occidit autem
Iacobum fratrem
Ihohannis gladio

 

Alleluia – [f. 119] (1v) – [f. 218 (189)] (2v)
Magister Goslenus episcopus Suessionis

Alleluia.
Vocavit Ihesus Iacobum Zebedei,
et Iohannem fratrem eius,
et imposuit eis nomina Boanerges,
quod est filii tonitrui.
Alleluia.

 

Cunctipotens genitor Deus – [f. 219 (190)]
Gauterius prefatus

Cunctipotens genitor
Deus omni creator,
eleysonChriste Dei forma
virtus patrisque sophia,
eleysonAmborum sacrum
spiramen nexus amorque,
eleyson

 

Benedicamus Domino I – [f. 219 (190)]
Gauterius prefatus

Benedicamus Domino
Deo gracias

Benedicamus Domino II – [f. 219v (190v)]
Magister Droardus Trecensis

Benedicamus Domino
Deo gracias

Benedicamus Domino III – [f. 219v (190v)]
Idem Droardus

Benedicamus Domino
Deo gracias

 

Ad honorem regis summi – [f. 219v (190v)]
Aimericus Picaudi, presbiter de Partiniaco

Ad honorem regi summi que condidit omnia,
Venerantes iubilemus Iacobi magnalia,
De quo gaudent celi cives  in superna curia
Cuius facta gloriosa meminit ecclesiaSupra mare Galilee omnia postposuit
Viso rege ad mundana redire non voluit
Sed post illum se vocantem pergere disposuit
Et praecepta eius sacra predicare studuitErmogeni et Fileto Christi fidem tribuit
Et Iosiam baptizavit et vim aegro prebuit.
Olim Ihesum transformatum vidit patris numine,
Pro quo nacem ab Herode simpsit fuso sanguine.Cuius corpus sepelitur in terra Galecie,
Et petentes illud digne summut vitam glorie.
Iam per totum fulget mundum divinis miraculis,
Qui viginti viros olim solvit ab ergastulis.

Scedulaque peccatoris deleta apparuit,
Matris natum iam defunctum ad vitam restituit,
Hic defunctum urbi sue a Cisera detulit,
Quem bis senas per dietas una nocte contulit.

Hic suspensum post triginta dies vite reddidit,
Peregrino Pictavensi asinum tradidit,
Et Frisonum ferro tectum de abisso eruit,
Presulemque mari mersum in nati instituit.

Vim vincendit Turcos viro apostolus tribuit,
Peregrinum mari lapsum per verticem tenuit,
De excelsa arce saltans vir sanus ereptus est,
Per crusille tactum miles saluti redditus est.

Sanitati post vindictam Dalmacius datus est,
A postrata arce sane mercator egressus est,
Militemque custodivit a suis sequentibus,
Liberavit virum egrum pressum a demonibus.

Interfectum a se ipso ad vitam restituit,
Et altaris valvas clausa comitit aperuit,
Stephanoque servo Dei ut miles apparuit,
Virum captum comes spata ledere non potuit.

Hic contractum membris ruptum erexit humiliter,
Vinculatum solvit virum tredecies dulciter,
Hec sunt illa sacrosancta divina miracula,
Que ad decus Christi fecit Iacobus per secula.

Unde laudes regi regum solvamus alacriter,
Cum quo leti mereamur vivere perhenniter.
Fiat, amen, alleluia, dicamus solempniter
E ultreia esus eia decantemus iugiter.


Dum pater familias
 – [f. 222 (193)]
De sancto Iacobo

Dum pater familias,
Rex universorum,
Donaret provincias
Ius apostolorum,
Iacobus Yspanias
Lux illustrat morum.Primus ex apostolis
Martir Ierosolimis,
Iacobus egregio
Sacer est martirio.Iacobe Gallecia
Opem rogat piam,
Glebae cuius gloria
Dat insignem viam,
Ut precum frequentia
Cantet melodiam.Herru Santiagu,
Got Santiagu,
E ultreia, e suseia,
Deus adiuva nos.

Primus ex apostolis….

Iacobo dat parium
Omnis mundus gratis,
Ob cuius remedium
Miles pietatis
Cunctorum presidium
Est ad vota satis.

Primus ex apostolis….

Iacobum miraculis
Que fiunt per illum.
Arctis in periculis
Acclamet ad illum,
Quisquis solvi vinculis
Sperat propter illum.

Primus ex apostolis….

O beate Iacobe,
Virtus nostra vere,
Nobis hostes remove
Tuos ac tuere
Ac devotos adhibe
Nos tibi placere.

Primus ex apostolis….

Iacobo propicio
Veniam speremus
Et, quas ex obsequio
Merito debemus
Patri tam eximio
Dignas laudes demus. Amen.

Primus ex apostolis….